Kompania Kosovare për Distribuim të Energjisë Elektrike (KEDS), ka njoftuar se përshkak të kushteve atmosferike erërave të forta, të shoqëruara me shi e borë, disa dalje janë jashtë funksionit.

Sipas KEDS-it, rajonet më të prekura janë Prishtina, Mitrovica, Prizreni, Ferizaj e Peja, shkruan Arbresh.info

KEDS, bën të ditur se ekipet ndodhen në terren dhe janë duke punuar për rikthimin e furnizimit të rregullt me energji elektrike.
Njoftimi i plotë:

Të nderuar konsumatorë,

Për shkak të kushteve atmosferike-erërave të forta, të shoqëruara me shi e borë, që përfshinë vendin tonë gjatë natës së kaluar, disa Dalje janë jashtë funksionit.

Prishtina, Mitrovica, Prizreni, Ferizaj e Peja janë rajonet më të prekura.

Derisa në shumicën e këtyre rajoneve gjendja vazhdon të mbetet pa ndryshime të mëdha, ekipet e KEDS-it gjatë natës dhe që nga orët e para të mëngjesit të sotëm ndodhen në terren dhe po punojnë vazhdimisht për rikthimin e furnizimit të rregullt me energji elektrike në këto rajone, për çka kërkojmë mirëkuptim nga konsumatorët e afektuar.